መነሻ ገፅ – Page 2 – ኢትዮ ነጋሪ

06 Oct

በልብ እና ጉበት ንቅለ ተከላ የሚታወቀው የቱርኩ አጂባደም የጤና ተቋም በአዲስ አበባ አዲስ ማዕከሉን ከፈተ

New admin0 Commentsመነሻ ገፅ, ዜናAcibadem, AddisAbaba, EthioNegari, Ethiopia, ethiopianews, Ethiopiaturkey, Healthcare, Turkey

በዓለማችን ካሉ ስመ ጥር የጤና አገልገሎት ሰጪ ተቋማት መካከል አንዱ የሆነው የቱርኩ አጂባደም ኸልዝኬር ግሩፕ በአዲስ አበባ አዲስ የታካሚዎች መረጃ ቢሮውን ከፍቷል። ይህ ቢሮ የኢትዮጵያ ታካሚዎች እና ቤተሰቦቻቸው በቱርክ ስለሚገኙ ልዩ የህክምና አገልግሎቶች እና የህክምና አማራጮች መረጃ ለማግኘት እንዲሁም በሀገር ቤት ሆነው ከሀኪሞች ጋር በቀጥታ መረጃ ለመለዋወጥ የሚያስችል አገልግሎትን ይሰጣል። አዲሱ አጂባደም ኸልዝ ፖይንት አዲስ አበባ ሆስፒታሉ በዓለም ዙሪያ ከከፈታቸው የመረጃ ማዕከሎች 52ኛው ሲሆን ማዕከሉ፤ የታካሚዎችን ነባር የህክምና መረጃዎችን ግምገማ ከማከናወን እና ተጨማሪ የባለሙያ ምክር ከመስጠት ጀምሮ እስከ ህክምና ዕቅድ ዝግጅት፣ የጉዞ ዝግጅት ማስተባበር እና ከህክምና በኋላ የሚደረግ ክትትል ድረስ ባሉት ሂደቶች ሁሉ ለታካሚዎች ድጋፍ ይሰጣል ተብሏል። አጂባደምን ለኢትዮጵያዊያን ታካሚዎች…

05 Oct

ጠቅላይ ሚኒስትር አቢይ አህመድ በድጋሚ ተመረጡ

New admin0 Commentsመነሻ ገፅ, ዜናAbiyAhmed, AddisAbaba, EthioNegari, Ethiopia, ethiopianews, newgovernment

ከመጋቢት 2010 ዓ.ም ጀምሮ ኢትዮጵያን በጠቅላይ ሚኒስትርነት ሲመሩ የቆዩት አብይ አህመድ (ዶ/ር) ለተጨማሪ አምስት ዓመታት በስልጣናቸው ላይ እንዲቆዩ በህዝብ ተወካዮች ምክር ቤት ተመርጠዋል፡፡ 54 ሚሊዮን መራጮች የተሳተፉበት ሰባተኛው ጠቅላላ ምርጫን ተከትሎ ብልጽግና ፓርቲ 438 የፓርላማ ወንበሮችን በመቆጣጠር በአብላጫ ድምጽ ማሸነፉን ተከትሎ አዲሱ የህዝብ ተወካዮች ምክር ቤት ተመስርቷል፡፡ በፌደራል መንግስት “ከፍተኛ የአስፈጻሚነት ስልጣን” ያለው ጠቅላይ ሚኒስትር የሚመረጠው፤ ከህዝብ ተወካዮች ምክር ቤት አባላት መካከል እንደሆነ በስራ ላይ ያለው የኢፌዲሪ ህገ መንግስት ይደነግጋል።በዚህ መሰረት ገዢው ፓርቲ ለጠቅላይ ሚኒስትርነት በድጋሚ በዕጩነት ያቀረበው፤ በጅማ ዞን ጎማ 2 የምርጫ ክልል ለፓርላማ የተመረጡትን አብይ አህመድን ነው።አብይ ለመጀመሪያ ጊዜ ጠቅላይ ሚኒስትር ሆነው የተመረጡት፤ ለአምስት ዓመት ከመንፈቅ ገደማ የጠቅላይ…

01 Oct

ኢትዮጵያ በግብፅ ለተስተጓጎሉ ፕሮጀክቶች ካሳ ልትጠይቅ ነው

New admin0 Commentsመነሻ ገፅ, ኢኮኖሚ, ዜናAbay, AddisAbaba, Egypt, EthioNegari, Ethiopia, ethiopianews, Nilerights

ኢትዮጵያ በግብፅ ምክንያት የተስተጓጎሉ ወይም የተከለከሉ የውሃ ልማት ፕሮጀክቶች ያደረሱትን የኢኮኖሚ ጉዳት እና ያመለጡ የልማት ዕድሎችን የሚያጠና ብሔራዊ ኮሚቴ ማቋቋሟን የውሃና ኢነርጂ ሚኒስትሩ ሀብታሙ ኢተፋ (ዶ/ር) አስታወቁ።ሚኒስትሩ ከኢዜአ ጋር ባደረጉት ቃለ-መጠይቅ እንዳስታወቁት፣ ኮሚቴው እስካሁን የታላቁ የኢትዮጵያ ህዳሴ ግድብን ጨምሮ በግብፅ ምክንያት ተፅዕኖ የወደቀባቸውን ከ22 በላይ የልማት ፕሮጀክቶችን ለይቷል።አዲሱ ኮሚቴ ማስረጃዎችን በማቀናጀት ኢትዮጵያ ልትጠይቅ የምትችለውን የካሳ መጠን መሰረት በመመርመር ላይ ይገኛል። በጥናት እና ግምገማ ሂደቱም ባለሙያዎች፣ የቀድሞ ሚኒስትሮች፣ አማካሪዎች እና የህግ ባለሙያዎች በመሳተፍ ላይ እንደሆኑ ተገልጿል።ሀብታሙ እንደገለጹት ግብፅ የህዳሴ ግድብን ጨምሮ በበርካታ ፕሮጀክቶች ላይ ተቃውሞና ወታደራዊ ዛቻ በማቅረብ የፈጸመችውን ተግባር ኮሚቴው በማስረጃነት እያሰባሰበ ይገኛል።ጥናቱ ተግባራዊ እንዳይሆኑ የተከለከሉ ፕሮጀክቶችን ብቻ ሳይሆን፣ ኢትዮጵያ…

29 Sep

ሱዳን፡ በተረሳው ጦርነት መከራ የሚያይ ሕዝብ

New admin0 Commentsመነሻ ገፅ, ዜናChad, EthioNegari, humanrights, Humanrightsviolations, Sudan, sudanclashes, sudanconflict, Sudancrisis, USA

የሰብአዊ እርዳታ ተኩስ ማቆም ስምምነት ላይ መድረስ እጅግ አጠራጣሪ በመሆኑ እና የሀገር ውስጥ እንዲሁም የውጭ ሀገር ስደቱ እየባሰ በመምጣቱ የሱዳን ጦርነት ወደ ባሰ ግጭት የሚያመራ ይመስላል። የሱዳን የሉዓላዊነት ምክር ቤት ሊቀመንበር አብደል ፈታህ አል-ቡርሃን ቅዳሜ ዕለት እንደተናገሩት ሀገራቸው “ለማንኛውም ግፊት ወይም ማስፈራሪያ እጅ አትሰጥም”፤ ድምጧም “ጎልቶ ይሰማል” ብለዋል። ይህን ያሉት አሜሪካ በኒውዮርክ በሚካሄደው የተባበሩት መንግሥታት ድርጅት ጠቅላላ ጉባኤ ላይ ለመሳተፍ ያቀረቡትን የቪዛ ጥያቄ በመከልከሏ እና የቀረበውን የሰብአዊ እርዳታ ተኩስ ማቆም ስምምነት ውድቅ ማድረጋቸውን ተከተሎ ነው። ይህ የሆነው የተባበሩት መንግሥታት ድርጅት የሰዎች መብት ኮሚሽነር አርብ ዕለት ከሱዳን ወደ ቻድ የሚሸሹ ሰዎች ቁጥር በከፍተኛ ሁኔታ መጨመሩን እና ይህም ከውጊያውና ከከፋ የኑሮ ሁኔታ…

29 Sep

የመካከለኛው ምስራቅ ቀውስ የዋጋ ንረቱን እንዳባባሰው ብሔራዊ ባንክ አስታወቀ

New admin0 CommentsBusiness, መነሻ ገፅ, ኢኮኖሚ, ዜናAddisAbaba, EthioNegari, Ethiopia, ethiopianews, Finance4development, Nationalbankofethiopia, NBE

የማክሮ ኢኮኖሚ ሪፎርሙን ተከትሎ በተወሰዱ ጥብቅ የፖሊሲ እርምጃዎች የዋጋ ንረቱን ወደ ነጠላ አሀዝ ማውረድ ተችሎ እንደነበር ያሱት የብሔራዊ ባንክ ገዢ ዶክተር ኢዮብ ተካልኝ፣ አሁን ግን ተመልሶ ማሻቀቡን ገልጸዋል። ዶክተር ኢዮብ ይህን የተናገሩት ዛሬ መስከረም 19 ቀን 2019 ዓ.ም በተጀመረው ሁለተኛው የፋይናንስ ፎረም መክፈቻ ሥነ-ሥርዓት ላይ ነው። ዶክተር እዮብ ማሞ አክለውም ባለፈው ዓመት ታህሳስ ወር ላይ የዋጋ ንረቱ ወደ 9 ነጥብ 7 በመቶ ዝቅ ብሎ የነበረ ቢሆንም፣ ባሳለፍነው ነሀሴ ላይ ግን ተመልሶ 15 ነጥብ 1 በመቶ መድረሱን አስረድተዋል። ቀደም ሲል የታየው በጎ ውጤት ሪፎርሙን ተከትሎ በተወሰዱ ተከታታይ የፖሊሲ እርምጃዎች የተገኘ መሆኑን ያብራሩት ገዢው፤ አሁን ያጋጠመው ጭማሪ በፖሊሲ ውድቀት ሳይሆን በውጫዊ ችግሮች…

22 Sep

ትምህርት ሚኒስቴር የAI አጠቃቀም ፖሊሲ እያዘጋጀ መሆኑንገለጸ

New admin0 Commentsመነሻ ገፅ, ዜናAddisAbaba, AIethiopia, AIuniversity, EthioNegari, Ethiopia, ethiopianews

በኢትዮጵያ በከፍተኛ ትምህርት ተቋማት የሚሰጠውን የበይነ-መረብ ትምህርት ለማጠናከር የሰው ሰራሽ አስተውሎት ወይም (አርቴፊሻል ኢንተለጀንስ /AI) ቴክኖሎጂን ለመጠቀም የሚያስችል ሀገር አቀፍ እና ተቋማዊ ፖሊሲ በመዘጋጀት ላይ መሆኑን የትምህርት ሚኒስቴር ገልጿል። በሚኒስቴሩ የበይነ-መረብ ትምህርት ማጠናከር ፕሮግራም የክትትል፣ ግምገማ እና ትምህርት ዋና አማካሪ ዶክተር ጌታሁን መኮንን እንደተናገሩት፤ ቴክኖሎጂው በዘመናዊው የመማር ማስተማር ሂደት ውስጥ ከፍተኛ ድርሻ አለው። ሆኖም አጠቃቀሙ በግልጽ መመሪያ እና ደረጃ ካልተመራ ክፍተቶችን ሊፈጥር እንደሚችል ጠቁመዋል። በተለይም በተማሪዎች ምዘና ወቅት የሚቀርቡ ሥራዎች በተማሪዎቹ ጥረት የተከናወኑ መሆናቸውን ለማረጋገጥና አሉታዊ ተጽዕኖውን ለመከላከል ጥብቅ ቁጥጥር ያስፈልጋል ተብሏል። አሰራሩ ከተቋም እስከ ግለሰብ የሥነ-ምግባር ደንቦችን ተከተሎ ሥራ ላይ መዋል እንዳለበትና ቴክኖሎጂውን ጨርሶ አለመጠቀም ወይም ልቅ ማድረግ ተገቢ…

20 Sep

የስፖርታዊ ውርርድ ቤቶች ዳግም ስራ ሊጀምሩ ነው ተባለ

New admin0 CommentsBusiness, መነሻ ገፅ, ኢኮኖሚ, ዜናAddisAbaba, Bettingethiopia, EthioNegari, Ethiopia, ethiopianews, Sportbetting

በግብር ስወራ እና ሌሌች ወንጀሎች ምክንያት ታግደው የነበሩት የስፖርት ውርርድ ቤቶች ዳግም ስራ ሊጀምሩ እንደሆነ ተገልጿል። ካፒታል ጋዜጣ እንደዘገበው ከሆነ የኢትዮጵያ ሎተሪ አገልግሎት ጥብቅ የቁጥጥር ማዕቀፍ እና ዘመናዊ ቴክኖሎጂን በመጠቀም የስፖርት ውርርድ እና ዲጂታል ሎተሪ አገልግሎቶችን በአዲስ መልክ ለማስጀመር አጠቃላይ ዝግጅቶችን እያደረገ ነው። የኢትዮጵያ መንግሥት በስፖርት ውርርድ እና በዲጂታል ሎተሪ ኢንዱስትሪ ላይ ባደረገው የኦዲት ግኝት፣ ኦፕሬተሮች ለመንግሥት መክፈል የሚገባቸውን 27.5 ቢሊዮን ብር አለመክፈላቸውን ማረጋገጡን ተከትሎ፣ ዘርፉን በቴክኖሎጂ በተደገፈ የቁጥጥር ሥርዓት ውስጥ በማስገባት በድጋሚ ለማስጀመር ዝግጅት እያደረገ ይገኛል። የኦዲት ረቂቅ መነሻ እንደሚለው፣ ፈቃድ ያላቸው የቤቲንግ ኦፕሬተሮች ከሐምሌ 2022 እስከ ታህሳስ 2025 ባለው ጊዜ ውስጥ ወደ 199 ቢሊዮን ብር የሚጠጋ ገንዘብ በሲስተማቸው…

17 Sep

ከ46 ሚሊዮን ብር በላይ በማጭበርበር ወንጀል ሲፈለግ የነበረው ኢትዮጵያዊ በኢንዶኔዥያ ተያዘ

New admin0 CommentsBusiness, መነሻ ገፅ, ኢኮኖሚ, ዜናAddisAbaba, Crime, EthioNegari, Ethiopia, ethiopianews, FederalPolice, Indonessia

ከ46.4 ሚሊዮን ብር በላይ ዋጋ ያላቸውን 12 ቢዋይዲ ሴጉል የኤሌክትሪክ ተሽከርካረዎችን በውክልና ለመሸጥ ከግል ተበዳይ ዮናስ ገብረመስቀል ከተረከበ በኋላ ገንዘቡን ሳያስረክብ ከባድ የማታለል ወንጀል ፈጽሞ ከሀገር የተሰወረው ሰልማን መሀመድ የተባለው ግለሰብ በኢትዮጵያ ፌደራል ፖሊስ እና በኢንተርፖል ትብብር በኢንዶኔዥያ ሀገር በቁጥጥር ሥር መዋሉ ተገልጿል። ተጠርጣሪው ከኢትዮጵያ ወጥቶ በታይላንድ፣ በሲንጋፖር፣ በፊሊፒንስና በኢንዶኔዥያ ሀገራት ከሕግ ተጠያቂነት ለማምለጥ ሲዘዋወር ከቆየ በኋላ የፌደራል ፖሊስ ከኢንተርፖል ጋር በመተባበር በግለሰቡ ላይ ዓለም አቀፍ የቀይ ማስታወቂያ (Red Notice) እንዲወጣበት በማድረግ በኢንዶኔዥያ ኢንተርፖል መስከረም 3 ቀን 2019 ዓ.ም በኢንዶኔዥያ ሀገር በቁጥጥር ሥር ውሎ መስከረም 5 ቀን 2019 ዓ.ም ለኢትዮጵያ ፌደራል ፖሊስ ተላልፎ ተሰጥቷል። ሰልማን መሀመድ በተጠረጠሪው ወንጀል ፖሊስ የምርመራ…

17 Sep

ታይላንድ ኢትዮጵያን የመዳረሻ ቪዛ ከሚያገኙ ሀገራት ዝርዝር ውስጥ አስወጣች

New admin0 CommentsBusiness, መነሻ ገፅ, ዜናAddisAbaba, EthioNegari, Ethiopia, ethiopianews, Thailand, Visa, Visaonarrival

የእስያዊቷ ሀገር ታይላንድ አዲስ የቪዛ አገልግሎት አሰጣጥ ስርዓት ይፋ አድርጋለች። በዚህም መሰረትለበርካታ አገራት ሲሰጥ የቆየውን ያለቪዛ መግባት እና የመዳረሻ ቪዛ ተጠቃሚ የሆኑ አገራትን እንደገና ከልሳለች። ከዚህ በፊት ወደ ታይላንድ የሚጓዙ ኢትዮጵያዊያን በሀገሪቱ ኤርፖር ከደረሱ በኋላ የመዳረሻ ቪዛ ያገኙ የነበረ ሲሆን ከመስከረም 5 ቀን 2018 ዓ.ም ጀምሮ ይህን አሰራር አስቀርታለች። ወደ ታይላንድ የሚጓዙ ኢትዮጵያውያን ከአዲስ አበባ ከመነሳታቸው በፊት በበይነ መረብ የመግቢያ ቪዛ ላይ በማመልከት ሲፈቀድላቸው ብቻ ጉዞ መጀመር እንደሚችሉ የሀገሪቱ የውጭ ጉዳይ ሚኒስቴር ገልጿል። ሀገሪቱ የቪዛ አሰራሯን የቀየረችበትን ምክንያት በግልጽ ባታሳውቅም በርካታ ኢትዮያዊያን በህገወጥ አዘዋዋሪዎች አማካኝነት በታይላንድ አድርገው ወደ ማይናማር እየተጓዙ ለብዝበዛ መጋለጣቸው ይታወሳል። የውጭ ጉዳይ ሚንስቴር በተደጋጋሚ ኢትዮጵያ ከማይናማር እና…

14 Sep

ትምህርት ሚንስቴር በትግራይ ክልል በሚገኙ ዩኒቨርሲቲዎች ተማሪዎችን እንደማይመድብ ገለጸ

New admin0 Commentsመነሻ ገፅ, ዜናAddisAbaba, EthioNegari, Ethiopia, ethiopianews, Moeducation, Tigray, TPLF, Universitystudents

በትግራይ ክልል ባለው ነባራዊ ሁኔታ በክልሉ በሚገኙ ዩኒቨርስቲዎች ይማሩ የነበሩ ተማሪዎች በክልሉ አስቻይ ሁኔታ እስኪፈጠር በሌሎች የመንግሥት ዩኒቨርስቲዎች በጊዚያዊነት እንዲመደቡ መወሰኑን የትምህርት ሚኒስትሩ ፕሮፌሰር ብርሃኑ ነጋ አስታውቀዋል። ሚኒስትሩ በትግራይ ክልል በሚገኙ ዩኒቨርስቲዎች ይማሩ የነበሩና በአሁኑ ወቅት በክልሉ ባለው ነባራዊ ሁኔታ ትምህርታቸውን መቀጠል ባለመቻላቸው ለቅሬታቸው መፍትሔ ለመጠየቅ በትምህርት ሚኒስቴር ግቢ ከተገኙ ተማሪዎች ጋር ውይይት አድርገዋል። በውይይቱ ወቅት ፕሮፌሰር ብርሃኑ ነጋ እንደገለጹት፣ በትግራይ ክልል በሚገኙ ዩኒቨርስቲዎች ይማሩ የነበሩ ተማሪዎች ደህንነታቸው ወደሚጠበቅባቸው ሌሎች የመንግሥት ዩኒቨርስቲዎች በጊዚያዊነት ተመድበው ትምህርታቸውን እንዲቀጥሉ ትምህርት ሚኒስቴር መወሰኑን ገልጸዋል። ሚኒስትሩ አክለውም፣ ወጣቶች በአሁኑ ወቅት ማተኮር ያለባቸው በትምህርታቸው ላይ በመሆኑና ወደፊት ሀገራቸውን የሚረከቡ ዜጎች እንዲሆኑ ማድረግ የሁሉም ኃላፊነት መሆኑን ጠቁመዋል።…